’’بسم اللّٰہ‘‘ کے سات حُرُوف کی نسبت سے دُرُود شریف کے 7فضائل Bismillah Ke Fazail

’’بسم اللّٰہ‘‘ کے سات حُرُوف کی نسبت سے دُرُود شریف کے 7فضائل 

(1)حضرتِ سیِّدُنا ابو ہُر یر ہ   رَضِیَ  اللہ   تَعَالٰی عَنْہُ   سے روایت ہے کہنور کے پیکر، تمام نبیوں کے سَرْوَر، دو جہاں کے تاجْوَر، سلطانِ بَحرو بَر  صَلَّی  اللہ   تَعَالٰی عَلَیْہِ وَاٰلِہٖ وَسَلَّمَ  کا فرمانِ رُوح پرورہے کہ جس نے مجھ پر ایک مرتبہ دُرُود پاک پڑھا اللّٰہ  عَزَّ وَجَلَّ    اُس پر دس رحمتیں نازِل فرمائے گا۔ (صَحِیح مُسلِم  ص۲۱۶حدیث ۴۰۸)

صَلُّو ا عَلَی الْحَبِیب !              صلَّی اللّٰہُ تعالٰی علٰی محمَّد

(2)حضرتِ سیِّدُنا اَنس بن مالک    رَضِیَ  اللہ   تَعَالٰی عَنْہُ   سے مروی ہے کہ تاجدار رسالت، شَہنَشاہِ نَبُوَّت، مَخزنِ جُودوسخاوت، پیکرِعظمت وشرافت، محبوبِ ربُّ العزّت، محسنِ انسانیت صَلَّی  اللہ    تَعَالٰی عَلَیْہِ وَاٰلِہٖ وَسَلَّمَ   کا ارشادِ رحمت بنیادہے  :   جس نے مجھ پرایک مرتبہ دُرُو د پاک پڑھا اللّٰہ   عَزَّ وَجَلَّ   اس پر دس رحمتیں نازل فرمائے گا اس کے دس گناہ مٹا دے گا۔

  ( اَلْاِحْسَان بترتیبِ صَحِیْح ابْنِ حَبَّان ج۲ ص۱۳۰حدیث۹۰۱)

صَلُّو ا عَلَی الْحَبِیب !         صلَّی اللّٰہُ تعالٰی علٰی محمَّد

’’بسم اللّٰہ‘‘ کے سات حُرُوف کی نسبت سے دُرُود شریف کے 7فضائل 

(3)حضرتِ سیِّدُنا ابوبَردہ بن نیار   رَضِیَ  اللہ   تَعَالٰی عَنْہُ   سے مروی ہے کہ نبیِّ مُکَرَّم، نُورِ مُجسَّم، رسول اکرم، شہنشاہ ِبنی آدم     صَلَّی  اللہ   تَعَالٰی عَلَیْہِ وَاٰلِہٖ وَسَلَّمَ  کا فرمانِ برکت نشان ہے  :    میری اُمّت میں سے جس نے صدقِ دل سے ایک مرتبہ دُرُود پاک پڑھا ، اللّٰہ   عَزَّ وَجَلَّ   اس پر دس رحمتیں ناز ِل فرمائے گا اور اس کے لیے دس نیکیا ں لکھے گااور اس کے دس درجا ت بُلند فرمائے گا اور اس کے دس گناہ مٹا دے گا۔(اَلْمُعْجَمُ الْکَبِیْرج۲۲ ص۱۹۵ حدیث۵۱۳) 

صَلُّو ا عَلَی الْحَبِیب !                صلَّی اللّٰہُ تعالٰی علٰی محمَّد

(4)حضرتِ سیِّدُنا ابواُمامہ    رَضِیَ  اللہ   تَعَالٰی عَنْہُ   سے مروی ہے کہ شَہَنْشاہِ خوش خصال، پیکر ِحسن وجمال، دافِعِ رنج و ملال، صاحِبِ جُودونُوال، رسولِ بے مثال، محبوبِ ربِّ ذوالجلال، بی بی آمنہ کے لال  عَزَّ وَجَلَّ    و    صَلَّی  اللہ   تَعَالٰی عَلَیْہِ وَاٰلِہٖ وَسَلَّمَ  و رَضِیَ  اللہ   تَعَالٰی عَنْہَا کا فرمانِ با کمال ہے  :   ہرجمعہ کے دن مجھ پر دُرُو د پاک کی کثرت کیاکرو بے شک میری اُمّت کا دُرُو د ہر جمعہ کے دن مجھ پر پیش کیاجا تاہے، (قیامت کے دن)لوگو ں میں سے میرے زیادہ قریب وُہی شخص ہوگا جس نے (دنیا میں ) مجھ پر زیادہ دُرُود پڑھا ہوگا ۔  

    (اَلسُّنَنُ الْکُبرٰی  ج۳  ص۳۵۳  حدیث۵۹۹۵)

صَلُّو ا عَلَی الْحَبِیب !           صلَّی اللّٰہُ تعالٰی علٰی محمَّد

  (5)حضرتِ سیِّدُنا ابن ِمسعود  رَضِیَ  اللہ   تَعَالٰی عَنْہُ   سے مروی ہے کہ سرکارِ والا تبار،

                         ہم بے کسوں کے مددگار، شفیع روزِشُمار، دو عالم کے مالِک و مختار، حبیبِ پروردگار   عَزَّ وَجَلَّ     و    صَلَّی  اللہ   تَعَالٰی عَلَیْہِ وَاٰلِہٖ وَسَلَّمَ  کا    فرمان ِتقرُّب نشان ہے  :   بے شک قِیامت کے دن میرے سب سے زیادہ قریب وہ شخص ہوگا جس نے دنیا میں مجھ پرزیادہ درو د پڑھا ہوگا ۔                  ( اَلْاِحْسَان بترتیبِصَحِیْح ابْنِ حَبَّان ج۲  ص۱۳۳ حدیث ۹۰۸) 

صَلُّو ا عَلَی الْحَبِیب !      صلَّی اللّٰہُ تعالٰی علٰی محمَّد

(6)شہنشاہِ مدینہ، قرارِ قلب و سینہ، صاحبِ معطر پسینہ، باعثِ نُزولِ سکینہ، فیض گنجینہ  صَلَّی  اللہ   تَعَالٰی عَلَیْہِ وَاٰلِہٖ وَسَلَّمَ  کا فرمانِ عافیّت نشان ہے  :   اے لوگو! بیشک تم میں سے بروز قیامت اس کی دہشتوں اور حساب کتاب سے جلدنَجات پانے والاوہ شخص ہوگا جس نے دنیا میں مجھ پر کثرت سے دُرُود پڑھا ہو گا۔ (فِرْدوْسُ الْاَخْبَار ج۲ ص۴۷۱ حدیث۸۲۱۰) 

صَلُّو ا عَلَی الْحَبِیب !                 صلَّی اللّٰہُ تعالٰی علٰی محمَّد

(7)حضورِ پاک، صاحبِ لَولاک، سیّاحِ افلاک  صَلَّی  اللہ   تَعَالٰی عَلَیْہِ وَاٰلِہٖ وَسَلَّمَ کا فرمانِ رحمت نشان ہے  :   ’’مجھ پر کثرت سے دُرُود پاک پڑھو بے شک تمہارا مجھ پر دُرُود پاک پڑھنا تمہارے گناہوں کیلئے مغفرت ہے ۔‘ ‘

(اَلْجَامِعُ الصَّغِیْرص۸۷ حدیث  :   ۱۴۰۶)

صَلُّو ا عَلَی الْحَبِیب !           صلَّی اللّٰہُ تعالٰی علٰی محمَّد