Ashuraa Ke Din Kharch Aur Imraz Se Hifazat عاشورہ کے دن اَہَل وعِیال پرخرچ کی بَرَکات

عاشورہ کے دن اَہَل وعِیال پرخرچ کی بَرَکات

حضرتِ سیِّدُنا عبد اللّٰہ  بن مسعود صحابی     رَضِیَ  اللہ   تَعَالٰی عَنْہُ   کہتے ہیں کہ نُور کے پیکر، تمام نبیوں کے سَرْوَر، دو جہاں کے تاجْوَر، سلطانِ بَحرو بَر   صَلَّی  اللہ   تَعَالٰی عَلَیْہِ وَاٰلِہٖ وَسَلَّمَ  نے فرمایا ہے کہ جو شخص عاشورہ کے دن اپنے بال بچوں کے کھانے پینے میں خُوب زیادہ فراخی اور کُشادَگی کرے گا یعنی زیادہ کھانا تیار کرا کر خوب پیٹ بھر کے کھلائے گا اللّٰہ    تَعَالٰی  سال بھر تک اس کے رِزْق میں وُسْعَت اور خیر و بَرَکت عطا فرمائے گا۔ (مَاثَبَتَ مِنَ السُّنَّۃِ، شَھْرُالْمُحَرَّم ص۱۷)

سارا سال اَمراض سے حِفاظت

مُفَسّرِشہیر حکیمُ الْاُمَّت حضر  ت ِ مفتی احمد یار خان علیہ رحمۃ الحنّان  فرماتے ہیں  :    مُحرَّم کی نویں ۹ اور دسویں ۱۰  کو روزہ رکھے تو بَہُت ثواب پائے گا ۔ بال بچّوں کیلئے دسویں ۱۰   مُحرَّمکو خوب اچّھے اچّھے کھانے پکائے تو اِنْ شَآءَ اللّٰہ  عَزَّ وَجَلَّ    سال بھر تک گھر میں بَرکت رہے گی۔بہتر ہے کہ کِھچڑا  پکا کر حضرِت شہید کربلا سیِّدُناامامِ حُسین    رَضِیَ  اللہ   تَعَالٰی عَنْہُ   کی فاتحہ کرے بَہُت مُجرّب (یعنی مؤثر وآزمودہ) ہے۔ اسی تاریخ یعنی ۱۰مُحرَّمُ الْحرام کو غسل کرے تو تمام سال  اِنْ شَآءَ اللّٰہ  عَزَّ وَجَلَّ     بیماریوں سے اَمن میں رہے گا کیونکہ اس دن آبِ زَم زَم تمام پانیوں میں پہنچتا ہے ( اسلامی زندگی، ص۱۳۱، مکتبۃالمدینہ، روحُ البیان، ج۴، ص۱۴۲کوئٹہ) سروَرِکائنات، شاہِ موجودات   صَلَّی  اللہ   تَعَالٰی عَلَیْہِ وَاٰلِہٖ وَسَلَّمَ   نے ارشاد فرمایا  :   جو

 شخص یومِ عاشورہ  اِثْمَدسرمہ آنکھوں میں لگائے تو اس کی آنکھیں کبھی بھی نہ دُکھیں گی ۔ (شُعَبُ الْاِیْمَان ج۳ ص۳۶۷حدیث۳۷۹۷  )

صَلُّو ا عَلَی الْحَبِیب !    صلَّی اللّٰہُ   تَعَالٰی  علیٰ محمَّد

Ashuraa Ke Din Kharch Aur Imraz Se Hifazat عاشورہ کے دن اَہَل وعِیال پرخرچ کی بَرَکات